Horas quinque puer nondum tibi nuntiat et tu
Iam conuiua mihi, Caeciliane, uenis,
Cum modo distulerint raucae uadimonia quartae
Et Floralicias lasset harena feras.
5
Curre, age, et illotos reuoca, Calliste, ministros;
Sternantur lecti: Caeciliane, sede.
Caldam poscis aquam: nondum mihi frigida uenit;
Alget adhuc nudo clusa culina foco.
Mane ueni potius; nam cur te quinta moretur?
10
Vt iantes, sero, Caeciliane, uenis.
3
raucae γ
parce (parcae)