Augusto pia tura uictimasque
Pro uestro date Silio, Camenae.
Bis senos iubet en redire fasces,
Nato consule, nobilique uirga
5
Vatis Castaliam domum sonare
Rerum prima salus et una Caesar.
Gaudenti superest adhuc quod optet,
Felix purpura tertiusque consul.
Pompeio dederit licet senatus
10
Et Caesar genero sacros honores,
Quorum pacificus ter ampliauit
Ianus nomina: Silius frequentes
Mauult sic numerare consulatus.
7
optet β
optat γ