Qui nunc Caesareae lusus spectatur harenae,
Temporibus Bruti gloria summa fuit.
Aspicis ut teneat flammas poenaque fruatur
Fortis et attonito regnet in igne manus!
5
Ipse sui spectator adest et nobile dextrae
Funus amat: totis pascitur illa sacris;
Quod nisi rapta foret nolenti poena, parabat
Saeuior in lassos ire sinistra focos.
Scire piget post tale decus quid fecerit ante:
10
Quam uidi satis hanc est mihi nosse manum.
3
Aspicis γ
aspicit β
aspicite Gruterus