Pallida ne Cilicum timeant pomaria brumam
Mordeat et tenerum fortior aura nemus,
Hibernis obiecta notis specularia puros
Admittunt soles et sine faece diem.
5
At mihi cella datur non tota clusa fenestra,
In qua nec Boreas ipse manere uelit.
Sic habitare iubes ueterem crudelis amicum?
Arboris ergo tuae tutior hospes ero.
4
faece β γ Cfr. Alb. Stad. Troil. II 42 uirtutis cupidus et sine faece bonus
sole R Cfr. Ou. met. II 221 isse diem sine sole ferunt; Sedul. carm. pasch. I 257 cum geminum sine sole diem nouus orbis haberet; Ven. Fort. carm XI 2, 6 te celante mihi stat sine sole dies