Nosti si bene Caesium, libelle,
Montanae decus Vmbriae Sabinum,
Auli municipem mei Pudentis,
Illi tu dabis haec uel occupato:
5
Instent mille licet premantque curae,
Nostris carminibus tamen uacabit:
Nam me diligit ille proximumque
Turni nobilibus legit libellis.
O quantum tibi nominis paratur!
10
O quae gloria! quam frequens amator!
Te conuiuia, te forum sonabit,
Aedes, compita, porticus, tabernae.
Vni mitteris, omnibus legeris.
9
tibi β
mihi γ