Martialis epigrammata 7, 92

Testo base di riferimento: W. M. Lindsay, 1929

Cura dell'edizione digitale: A. Fusi, 2010

Altre sezioni


"Si quid opus fuerit, scis me non esse rogandum"

     Vno bis dicis, Baccara, terque die.

Appellat rigida tristis me uoce Secundus:

      Audis et nescis, Baccara, quid sit opus.

5

Pensio te coram petitur clareque palamque:

      Audis et nescis, Baccara, quid sit opus.

Esse queror gelidasque mihi tritasque lacernas

      Audis et nescis, Baccara, quid sit opus.

Hoc opus est, subito fias ut sidere mutus,

10

     Dicere ne possis, Baccara: "si quid opus".

1

scis T γ

tibi β