Ad natalicias dapes uocabar,
Essem cum tibi, Sexte, non amicus.
Quid factum est, rogo, quid repente factum est,
Post tot pignora nostra, post tot annos
5
Quod sum praeteritus uetus sodalis?
Sed causam scio. nulla uenit a me
Hispani tibi libra pustulati
Nec leuis toga nec rudes lacernae.
Non est sportula quae negotiatur;
10
Pascis munera, Sexte, non amicos.
Iam dices mihi "uapulet uocator".
7
Hispani β
argenti γ