Quatenus Odrysios iam pax Romana triones
Temperat et tetricae conticuere tubae,
Hunc Marcellino poteris, Faustine, libellum
Mittere: iam chartis, iam uacat ille iocis.
5
Sed si parua tui munuscula quaeris amici
Commendare, ferat carmina nostra puer:
Non qualis Geticae satiatus lacte iuuencae
Sarmatica rigido ludit in amne rota,
Sed Mitylenaei roseus mangonis ephebus
10
Vel non caesus adhuc matre iubente Lacon.
At tibi captiuo famulus mittetur ab Histro
Qui Tiburtinas pascere possit oues.
6
ferat γ
feret β