Martialis epigrammata 7, 72

Testo base di riferimento: W. M. Lindsay, 1929

Cura dell'edizione digitale: A. Fusi, 2010

Altre sezioni


Gratus sic tibi, Paule, sit December

Nec uani triplices breuesque mappae

Nec turis ueniant leues selibrae,

Sed lances ferat et scyphos auorum

5

Aut grandis reus aut potens amicus:

Seu quod te potius iuuat capitque,

Sic uincas Nouiumque Publiumque

Mandris et uitreo latrone clusos;

Sic palmam tibi de trigone nudo

10

Vnctae det fauor arbiter coronae

Nec laudet Polybi magis sinistras:

Si quisquam mea dixerit malignus

Atro carmina quae madent ueneno,

Vt uocem mihi commodes patronam

15

Et quantum poteris, sed usque, clames:

"Non scripsit meus ista Martialis".

3

turis γ

turpes β