Ficosa est uxor, ficosus et ipse maritus,
Filia ficosa est et gener atque nepos,
Nec dispensator nec uilicus ulcere turpi
Nec rigidus fossor sed nec arator eget.
5
Cum sint ficosi pariter iuuenesque senesque,
Res mira est, ficos non habet unus ager.
2
nepos R β
socer γ N Cfr. Catull. 29, 24 socer generque perdidistis omnia; Verg. Aen. VII 317 Hac gener atque socer coeant mercede suorum; Catalepton 6, 6 gener socerque perdidistis omnia; Lucan. IV 802 et gener atque socer bello concurrere iussi?; Mart. IX 70, 3 cum gener atque socer diris concurreret armis; Hos. Geta Med. 166 hac gener atque socer patriaque excedere suadet