Martialis epigrammata 7, 32

Testo base di riferimento: W. M. Lindsay, 1929

Cura dell'edizione digitale: A. Fusi, 2010

Altre sezioni


Attice, facundae renouas qui nomina gentis

      Nec sinis ingentem conticuisse domum,

Te pia Cecropiae comitatur turba Mineruae,

     Te secreta quies, te sophos omnis amat.

5

At iuuenes alios fracta colit aure magister

      Et rapit immeritas sordidus unctor opes.

Non pila, non follis, non te paganica thermis

      Praeparat aut nudi stipitis ictus hebes,

Vara nec in lento ceromate bracchia tendis,

10

      Non harpasta uagus puluerulenta rapis,

Sed curris niueas tantum prope Virginis undas

      Aut ubi Sidonio taurus amore calet.

Per uarias artes, omnis quibus area seruit,

      Ludere, cum liceat currere, pigritia est.

4

sophos β A

phos E

phosus X

chorus C  Cfr. Hor. epist. II 2, 77 scriptorum chorus omnis amat nemus et fugit urbem; Iuvenc. IV 787 illum procumbens sancte chorus omnis adorat