Martialis epigrammata 6, 85

Testo base di riferimento: W. M. Lindsay, 1929

Cura dell'edizione digitale: A. Fusi, 2010

Altre sezioni


Editur en sextus sine te mihi, Rufe Camoni,

      Nec te lectorem sperat, amice, liber:

Impia Cappadocum tellus et numine laeuo

      Visa tibi cineres reddit et ossa patri.

5

Funde tuo lacrimas orbata Bononia Rufo,

      Et resonet tota planctus in Aemilia:

Heu qualis pietas, heu quam breuis occidit aetas!

     Viderat Alphei praemia quinta modo.

Pectore tu memori nostros euoluere lusus,

10

      Tu solitus totos, Rufe, tenere iocos,

Accipe cum fletu maesti breue carmen amici

      Atque haec absentis tura fuisse puta.

1

Editur en T γ

editus est β