Vt noua dona tibi, Caesar, Nilotica tellus
Miserat hibernas ambitiosa rosas.
Nauita derisit Pharios Memphiticus hortos,
Vrbis ut intrauit limina prima tuae:
5
Tantus ueris honos et odorae gratia Florae
Tantaque Paestani gloria ruris erat;
Sic, quacumque uagus gressumque oculosque ferebat,
Tonsilibus sertis omne rubebat iter.
At tu Romanae iussus iam cedere brumae
10
Mitte tuas messes, accipe, Nile, rosas.
4
Vrbis β γ
orbis α