Martialis epigrammata 6, 77

Testo base di riferimento: W. M. Lindsay, 1929

Cura dell'edizione digitale: A. Fusi, 2010

Altre sezioni


Cum sis tam pauper quam nec miserabilis Iros,

      Tam iuuenis quam nec Parthenopaeus erat,

Tam fortis quam nec cum uinceret Artemidorus,

      Quid te Cappadocum sex onus esse iuuat?

5

Rideris multoque magis traduceris, Afer,

      Quam nudus medio si spatiere foro.

Non aliter monstratur Atlans cum compare gibbo

      Quaeque uehit similem belua nigra Libyn.

Inuidiosa tibi quam sit lectica requiris?

10

      Non debes ferri mortuus hexaphoro.

1

Iros Heinsius

heros T

irus β γ  Cfr. XII 32, 9 Irus tuorum temporum sequebaris