Non rudis indocta fecit me falce colonus:
Dispensatoris nobile cernis opus.
Nam Caeretani cultor ditissimus agri
Hos Hilarus colles et iuga laeta tenet.
5
Aspice quam certo uidear non ligneus ore
Nec deuota focis inguinis arma geram,
Sed mihi perpetua numquam moritura cupresso
Phidiaca rigeat mentula digna manu.
Vicini, moneo, sanctum celebrate Priapum
10
Et bis septenis parcite iugeribus.
3
ditissimus β Cfr. Verg. Aen. I 343 huic coniunx Sychaeus erat, ditissimus agri; X 563 magnanimo Vulcente satum ditissimus agri; Ou. met. V 129 et Nasamoniaci Dorylas ditissimus agri
notissimus γ Cfr. VII 64, 1 qui tonsor fueras tota notissimus urbe