Edere lasciuos ad Baetica crusmata gestus
Et Gaditanis ludere docta modis,
Tendere quae tremulum Pelian Hecubaeque maritum
Posset ad Hectoreos sollicitare rogos,
5
Vrit et excruciat dominum Telethusa priorem:
Vendidit ancillam, nunc redimit dominam.
4
sollicitare C Cfr. VIII 55, 16 quae poterant ipsum sollicitare Iovem; Priap. 19, 1 sq. haec sic non modo te, Priape, possit / priuignum quoque sed mouere Phaedrae
sollicitata β γ Cfr. VI 68, 9 sq. an dea femineum iam neglegit Hermaphroditum / amplexu teneri sollicitata uiri?