Etrusci nisi thermulis lauaris,
Illotus morieris, Oppiane.
Nullae sic tibi blandientur undae,
Non fontes Aponi rudes puellis,
5
Non mollis Sinuessa feruidique
Fluctus Passeris aut superbus Anxur,
Non Phoebi uada principesque Baiae.
Nusquam tam nitidum uacat serenum:
Lux ipsa est ibi longior, diesque
10
Nullo tardius a loco recedit.
Illic Taygeti uirent metalla
Et certant uario decore saxa,
Quae Phryx et Libys altius cecidit.
Siccos pinguis onyx anhelat aestus 
15
Et flamma tenui calent ophitae:
Ritus si placeant tibi Laconum,
Contentus potes arido uapore
Cruda Virgine Marciaue mergi;
Quae tam candida, tam serena lucet
20
Vt nullas ibi suspiceris undas
Et credas uacuam nitere lygdon.
Non attendis et aure me supina
Iam dudum quasi neglegenter audis.
Illotus morieris, Oppiane.
4
Non β
nec γ
contatti: 