Martialis epigrammata 6, 29

Testo base di riferimento: W. M. Lindsay, 1929

Cura dell'edizione digitale: A. Fusi, 2010

Altre sezioni


Non de plebe domus nec auarae uerna catastae,

      Sed domini sancto dignus amore puer,

Munera cum posset nondum sentire patroni,

      Glaucia libertus iam Melioris erat.

5

Moribus hoc formaeque datum: quis blandior illo?

      Aut quis Apollineo pulchrior ore fuit?

Immodicis breuis est aetas et rara senectus.

     Quidquid amas, cupias non placuisse nimis.

8

amas γ

ames β