Martialis epigrammata 5, 80

Testo base di riferimento: W. M. Lindsay, 1929

Cura dell'edizione digitale: A. Fusi, 2009

Altre sezioni


Non totam mihi, si uacabis, horam

Dones et licet imputes, Seuere,

Dum nostras legis exigisque nugas.

"Durum est perdere ferias": rogamus

5

Iacturam patiaris hanc ferasque.

Quod si legeris ista cum diserto

-Sed numquid sumus improbi? -Secundo,

Plus multo tibi debiturus hic est

Quam debet domino suo libellus.

10

Nam securus erit, nec inquieta

Lassi marmora Sisyphi uidebit,

Quem censoria cum meo Seuero

Docti lima momorderit Secundi.

1

uacabis β γ

uacabit B C