Martialis epigrammata 5, 69

Testo base di riferimento: W. M. Lindsay, 1929

Cura dell'edizione digitale: A. Fusi, 2009

Altre sezioni


Antoni Phario nihil obiecture Pothino

      Et leuius tabula quam Cicerone nocens:

Quid gladium demens Romana stringis in ora?

      Hoc admisisset nec Catilina nefas.

5

Impius infando miles corrumpitur auro,

      Et tantis opibus uox tacet una tibi.

Quid prosunt sacrae pretiosa silentia linguae?

      Incipient omnes pro Cicerone loqui.