Quid factum est, rogo, quid repente factum,
Ad cenam mihi, Dento, quod uocanti,-
Quis credat? - quater ausus es negare?
Sed nec respicis et fugis sequentem,
5
Quem thermis modo quaerere et theatris
Et conclauibus omnibus solebas.
Sic est, captus es unctiore mensa
Et maior rapuit canem culina.
Iam te, sed cito, cognitum et relictum
10
Cum fastidierit popina diues,
Antiquae uenies ad ossa cenae.