Calliodorus habet censum - quis nescit? - equestrem,
Sexte, sed et fratrem Calliodorus habet.
"Quadringenta seca" qui dicit σῦκα μερίζει:
Vno credis equo posse sedere duos?
5
Quid cum fratre tibi, quid cum Polluce molesto?
Non esset Pollux si tibi, Castor eras.
Vnus, cum sitis duo, Calliodore, sedebis?
Surge: σολοικισμόν, Calliodore, facis.
Aut imitare genus Ledae - cum fratre sedere
10
Non potes -: alternis, Calliodore, sede.
3
seca Rutgers
secat β γ