Martialis epigrammata 5, 25

Testo base di riferimento: W. M. Lindsay, 1929

Cura dell'edizione digitale: A. Fusi, 2009

Altre sezioni


"Quadringenta tibi non sunt, Chaerestrate: surge,

      Leitus ecce uenit: sta, fuge, curre, late".

Ecquis, io, reuocat discedentemque reducit?

      Ecquis, io, largas pandit amicus opes?

5

Quem chartis famaeque damus populisque loquendum?

     Quis Stygios non uolt totus adire lacus?

Hoc, rogo, non melius quam rubro pulpita nimbo

      Spargere et effuso permaduisse croco?

Quam non sensuro dare quadringenta caballo,

10

      Aureus ut Scorpi nasus ubique micet?

O frustra locuples, o dissimulator amici,

      Haec legis et laudas? quae tibi fama perit!

6

Quis γ

qui β