Si tecum mihi, care Martialis,
Securis liceat frui diebus,
Si disponere tempus otiosum
Et uerae pariter uacare uitae:
5
Nec nos atria nec domos potentum
Nec litis tetricas forumque triste
Nossemus nec imagines superbas;
Sed gestatio, fabulae, libelli,
Campus, porticus, umbra, Virgo, thermae,
10
Haec essent loca semper, hi labores.
Nunc uiuit necuter sibi, bonosque
Soles effugere atque abire sentit,
Qui nobis pereunt et imputantur.
Quisquam uiuere cum sciat, moratur?
11
necuter sibi, bonosque Schneidewin
neuter sibi bonosque β
nec ut eius ibo bonosque γ