Si non est graue nec nimis molestum,
Musae, Parthenium rogate uestrum:
Sic te serior et beata quondam
Saluo Caesare finiat senectus
5
Et sis inuidia fauente felix,
Sic Burrus cito sentiat parentem:
Admittas timidam breuemque chartam
Intra limina sanctioris aulae.
Nosti tempora tu Iouis sereni,
10
Cum fulget placido suoque uultu,
Quo nil supplicibus solet negare.
Non est quod metuas preces iniquas:
Numquam grandia nec molesta poscit
Quae cedro decorata purpuraque
15
Nigris pagina creuit umbilicis.
Nec porrexeris ista, sed teneto
Sic tamquam nihil offeras agasque.
Si noui dominum nouem sororum,
Vltro purpureum petet libellum.
5
fauente β γ Cfr. Ou. met. X 515 laudaret faciem liuor quoque; Prop. II 17, 11 quem modo felicem inuidia admirante ferebant
fatente Heinsius Cfr. Hor. sat. II 1, 75 sgg. me / cum magnis vixisse inuita fatebitur usque / Inuidia