Martialis epigrammata 4, 13

Testo base di riferimento: W. M. Lindsay, 1929

Cura dell'edizione digitale: A. Fusi, 2009

Altre sezioni


Claudia, Rufe, meo nubit Peregrina Pudenti:

     Macte esto taedis, o Hymenaee, tuis.

Tam bene rara suo miscentur cinnama nardo,

     Massica Theseis tam bene uina fauis;

5

Nec melius teneris iunguntur uitibus ulmi,

      Nec plus lotos aquas, litora myrtus amat.

Candida perpetuo reside, Concordia, lecto,

      Tamque pari semper sit Venus aequa iugo:

Diligat illa senem quondam, sed et ipsa marito

10

      Tum quoque, cum fuerit, non uideatur anus.

1

Claudia γ R p. c.

cladia R a. c.

Glaudia β ut uid.