Dum nimium uano tumefactus nomine gaudes
Et Saturninum te, miser, esse pudet,
Impia Parrhasia mouisti bella sub ursa,
Qualia qui Phariae coniugis arma tulit.
5
Excideratne adeo fatum tibi nominis huius,
Obruit Actiaci quod grauis ira freti?
An tibi promisit Rhenus quod non dedit illi
Nilus, et Arctois plus licuisset aquis?
Ille etiam nostris Antonius occidit armis,
10
Qui tibi collatus, perfide, Caesar erat.
2
te, miser, esse pudet β
te pudet esse miser γ