Vir bonus et pauper linguaque et pectore uerus,
Quid tibi uis urbem qui, Fabiane, petis?
Qui nec leno potes nec comissator haberi
Nec pauidos tristi uoce citare reos
5
Nec potes uxorem cari corrumpere amici
Nec potes algentes arrigere ad uetulas,
Vendere nec uanos circa Palatia fumos
Plaudere nec Cano plaudere nec Glaphyro:
Vnde miser uiues? "homo certus, fidus amicus"
10
Hoc nihil est: numquam sic Philomelus eris.