Caesaris alma dies et luce sacratior illa
Conscia Dictaeum qua tulit Ida Iouem,
Longa, precor, Pylioque ueni numerosior aeuo
Semper et hoc uultu uel meliore nite.
5
Hic colat Albano Tritonida multus in auro
Perque manus tantas plurima quercus eat;
Hic colat ingenti redeuntia saecula lustro
Et quae Romuleus sacra Tarentos habet.
Magna quidem, superi, petimus sed debita terris:
10
Pro tanto quae sunt improba uota deo?
9
sed β
et γ