Martialis epigrammata 3, 91

Testo base di riferimento: A. Fusi, 2006

Cura dell'edizione digitale: A. Fusi, 2007

Altre sezioni


Cum peteret patriae missicius arua Rauennae,

      Semiuiro Cybeles cum grege iunxit iter.

Huic comes haerebat domini fugitiuus Achillas

      Insignis forma nequitiaque puer.

5

Hoc steriles sensere uiri: qua parte cubaret

      Quaerunt. sed tacitos sensit et ille dolos:

Mentitur, credunt. somni post uina petuntur:

      Continuo ferrum noxia turba rapit

Exciduntque senem spondae qui parte iacebat;

10

     Namque puer pluteo uindice tutus erat.

Suppositam quondam fama est pro uirgine ceruam,

     At nunc pro ceruo mentula supposita est.

9

Exciduntque L P Q f ¹

inciduntque T

exciditque f ² γ