Martialis epigrammata 3, 50

Testo base di riferimento: A. Fusi, 2006

Cura dell'edizione digitale: A. Fusi, 2007

Altre sezioni


Haec tibi, non alia, est ad cenam causa uocandi,

      Versiculos recites ut, Ligurine, tuos.

Deposui soleas, adfertur protinus ingens

      Inter lactucas oxygarumque liber:

5

Alter perlegitur, dum fercula prima morantur;

     Tertius est, nec adhuc mensa secunda uenit;

Et quartum recitas et quintum denique librum.

     Putidus est, totiens si mihi ponis aprum.

Quod si non scombris scelerata poemata donas,

10

      Cenabis solus iam, Ligurine, domi.

5

perlegitur, dum L P Q f ¹ V ² s. l. G ²

porrigitur dum f ² in mg. X C G ³

perge tordum E A V ¹ G ¹