Vite nocens rosa stabat moriturus ad aras
Hircus, Bacche, tuis uictima grata focis.
Quem Tuscus mactare deo cum uellet haruspex,
Dixerat agresti forte rudique uiro
5
Vt cito testiculos et acuta falce secaret,
Taeter ut immundae carnis abiret odor.
Ipse super uirides aras luctantia pronus
Dum resecat cultro colla premitque manu,
Ingens iratis apparuit hirnea sacris.
10
Occupat hanc ferro rusticus atque secat,
Hoc ratus antiquos sacrorum poscere ritus
Talibus et fibris numina prisca coli.
Sic, modo qui Tuscus fueras, nunc Gallus haruspex,