Martialis epigrammata 3, 24

Testo base di riferimento: A. Fusi, 2006

Cura dell'edizione digitale: A. Fusi, 2007

Altre sezioni


Vite nocens rosa stabat moriturus ad aras

     Hircus, Bacche, tuis uictima grata focis.

Quem Tuscus mactare deo cum uellet haruspex,

      Dixerat agresti forte rudique uiro

5

Vt cito testiculos et acuta falce secaret,

      Taeter ut immundae carnis abiret odor.

Ipse super uirides aras luctantia pronus

     Dum resecat cultro colla premitque manu,

Ingens iratis apparuit hirnea sacris.

10

      Occupat hanc ferro rusticus atque secat,

Hoc ratus antiquos sacrorum poscere ritus

      Talibus et fibris numina prisca coli.

Sic, modo qui Tuscus fueras, nunc Gallus haruspex,

     Dum iugulas hircum, factus es ipse caper.

2

focis T Cfr. Sen. Thyest. 146 immatura focis victima concidit

sacris L P f γ Cfr. Ov. fast. IV 937 tum mihi 'cur detur sacris noua uictima quaeris?'; Lucan. VII 167 nullaque funestis inventa est victima sacris

satis Q