Dic, Musa, quid agat Canius meus Rufus:
Vtrumne chartis tradit ille uicturis
Legenda temporum acta Claudianorum,
An quae Neroni falsus adstruit scriptor? 
5
An aemulatur improbi iocos Phaedri?
Lasciuus elegis an seuerus herois?
An in cothurnis horridus Sophocleis?
An otiosus in schola poetarum
Lepore tinctos Attico sales narrat?
10
Hinc si recessit, porticum terit templi
An spatia carpit lentus Argonautarum?
An delicatae sole rursus Europae
Inter tepentes post meridie buxos
Sedet ambulatue liber acribus curis?
15
Titine thermis an lauatur Agrippae
An impudici balneo Tigillini?
An rure Tulli fruitur atque Lucani?
An Pollionis dulce currit ad quartum?
An aestuantis iam profectus ad Baias
20
Piger Lucrino nauculatur in stagno?
"Vis scire quid agat Canius tuus? ridet".
4
dist. Izaac
Claudianorum?... scriptor, Friedlaender
contatti: 