Martialis epigrammata 3, 5

Testo base di riferimento: A. Fusi, 2006

Cura dell'edizione digitale: A. Fusi, 2007

Altre sezioni


Vis commendari sine me cursurus in urbem,

     Parue liber, multis, an satis unus erit?

Vnus erit, mihi crede, satis, cui non eris hospes,

     Iulius, adsiduum nomen in ore meo.

5

Protinus hunc primae quaeres in limine Tectae:

      Quos tenuit Daphnis, nunc tenet ille lares.

Est illi coniunx, quae te manibusque sinuque

      Excipiet, tu uel puluerulentus eas.

Hos tu seu pariter siue hanc illumue priorem

10

     Videris, hoc dices: 'Marcus hauere iubet',

Et satis est; alios commendet epistula: peccat

      Qui commendandum se putat esse suis.

1

Cfr. Ou. trist. I 1, 1 sine me liber ibis in urbem