Martialis epigrammata 2, 90

Testo base di riferimento: W. M. Lindsay, 1929

Cura dell'edizione digitale: A. Fusi, 2009

Altre sezioni


Quintiliane, uagae moderator summe iuuentae,

      Gloria Romanae, Quintiliane, togae,

Viuere quod propero pauper nec inutilis annis,

      Da ueniam: properat uiuere nemo satis.

5

Differat hoc patrios optat qui uincere census

      Atriaque immodicis artat imaginibus.

Me focus et nigros non indignantia fumos

      Tecta iuuant et fons uiuus et herba rudis.

Sit mihi uerna satur, sit non doctissima coniunx,

10

      Sit nox cum somno, sit sine lite dies.

7

focus T β

rogus γ