Quod nec carmine glorior supino
Nec retro lego Sotaden cinaedum,
Nusquam Graecula quod recantat echo
Nec dictat mihi luculentus Attis
5
Mollem debilitate galliambon:
Non sum, Classice, tam malus poeta.
Quid si per gracilis uias petauri
Inuitum iubeas subire Ladan?
Turpe est difficiles habere nugas
10
Et stultus labor est ineptiarum.
Scribat carmina circulis Palaemon,
Me raris iuuat auribus placere.
4
dictat γ
dicta β