Cum tibi uernarent dubia lanugine malae,
Lambebat medios improba lingua uiros.
Postquam triste caput fastidia uispillonum
Et miseri meruit taedia carnificis,
5
Vteris ore aliter nimiaque aerugine captus
Allatras nomen quod tibi cumque datur.
Haereat inguinibus potius tam noxia lingua:
Nam cum fellaret, purior illa fuit.
1
dubia γ Cfr. X 42, 1 sg. tam dubia est lanugo tibi, tam moliis ut illam / halitus et soles et leuis aura terat; Ou. met. IX 398 paene puer dubiaque tegens lanugine malas; XIII 754 signarat teneras dubia lanugine malas
tenera β Cfr. Verg. ecl. 2, 51 ipse ego cana legam tenera lanugine mala; Ven. Fort. carm. III 9, 19 cortice de matris tenera lanugine surgens; carm. app. 1, 133 percutitur iuuenis tenera lanugine barbae; Walahfr. hort. 435 dum tibi cana legunt tenera lanugine poma; Waltharius 1427 at dextrum, moneo, tenera lanugine comple; Alan. Anticlaud. I 61 in quo pubescens tenera lanugine florum