Est tibi - sitque precor multos crescatque per annos -
Pulchra quidem, uerum transtiberina domus:
At mea Vipsanas spectant cenacula laurus,
Factus in hac ego sum iam regione senex.
5
Migrandum est, ut mane domi te, Galle, salutem:
Est tanti, uel si longius illa foret.
Sed tibi non multum est, unum si praesto togatum:
Multum est, hunc unum si mihi, Galle, nego.
Ipse salutabo decima te saepius hora:
10
Mane tibi pro me dicet hauere liber.
9
te saepius γ
uel serius β Cfr. III 36, 5 lassus ut in thermas decima uel serius hora