Martialis epigrammata 1, 92

Testo base di riferimento: W. M. Lindsay, 1929

Cura dell'edizione digitale: A. Fusi, 2009

Altre sezioni


Saepe mihi queritur non siccis Cestos ocellis,

      Tangi se digito, Mamuriane, tuo.

Non opus est digito: totum tibi Ceston habeto,

      Si dest nil aliud, Mamuriane, tibi.

5

Sed si nec focus est nudi nec sponda grabati

      Nec curtus Chiones Antiopesue calix,

Cerea si pendet lumbis et scripta lacerna

     Dimidiasque nates Gallica paeda tegit,

Pasceris et nigrae solo nidore culinae

10

      Et bibis immundam cum cane pronus aquam:

Non culum, neque enim est culus, qui non cacat olim,

      Sed fodiam digito qui superest oculum:

Nec me zelotypum nec dixeris esse malignum.

      Denique pedica, Mamuriane, satur.

3

totum β γ

tantum T