Alcime, quem raptum domino crescentibus annis
Labicana leui caespite uelat humus,
Accipe non Pario nutantia pondera saxo,
Quae cineri uanus dat ruitura labor,
5
Sed faciles buxos et opacas palmitis umbras
Quaeque uirent lacrimis roscida prata meis
Accipe, care puer, nostri monimenta doloris:
Hic tibi perpetuo tempore uiuet honor.
Cum mihi supremos Lachesis perneuerit annos,
10
Non aliter cineres mando iacere meos.
2
Labicana β
lauicana T γ Cfr. Flod. Ital. V 3, 78 Lauicana parit dum quinquaginta triumphum; Vi 7, 633 sic urbe Lauicana ductus compita