O mihi curarum pretium non uile mearum,
Flacce, Antenorei spes et alumne laris,
Pierios differ cantusque chorosque sororum;
Aes dabit ex istis nulla puella tibi.
5
Quid petis a Phoebo? nummos habet arca Mineruae;
Haec sapit, haec omnes fenerat una deos.
Quid possunt hederae Bacchi dare? Pallados arbor
Inclinat uarias pondere nigra comas.
Praeter aquas Helicon et serta lyrasque dearum
10
Nil habet et magnum, sed perinane sophos.
Quid tibi cum Cirrha? quid cum Permessidis unda?
Romanum propius diuitiusque forum est.
Illic aera sonant: at circum pulpita nostra
Et steriles cathedras basia sola crepant.
3
cantusque chorosque (chorusque P) β Friedlaender, Heraeus, SB Cfr. Tib. I 3, 59 hic choreae cantusque uigent; I 7, 44 sed chorus et cantus et leuis aptus amor; Nemes. ecl. 3, 55 omnia ludus habet cantusque chorique licentes
cantus citharamque γ Lindsay Cfr. Val. Fl. III 158 sg. insignem cithara cantuque fluenti / Dorcea; Paul. Diac. carm. 9, 16 pro cithara et cantu planctus ubique sonat; Paul. Aquil. uers. I 15, 1 sg. pro cantu tibi, cithara et organo / luctus aduenit, lamentum et gemitus