Martialis epigrammata 1, 43

Testo base di riferimento: W. M. Lindsay, 1929

Cura dell'edizione digitale: A. Fusi, 2009

Altre sezioni


Bis tibi triceni fuimus, Mancine, uocati

      Et positum est nobis nil here praeter aprum,

Non quae de tardis seruantur uitibus uuae

      Dulcibus aut certant quae melimela fauis,

5

Non pira quae longa pendent religata genesta

     Aut imitata breuis Punica grana rosas,

Rustica lactantis nec misit Sassina metas

      Nec de Picenis uenit oliua cadis:

Nudus aper, sed et hic minimus qualisque necari

10

      A non armato pumilione potest.

Et nihil inde datum est; tantum spectauimus omnes:

      Ponere aprum nobis sic et harena solet.

Ponatur tibi nullus aper post talia facta,

     Sed tu ponaris cui Charidemus apro.

6

grana T Cfr. Ou. met. X 735 sgg. flos ... / qualem quae lento celant sub cortice granum / Punica ferre solent; Pont. IV 15, 8 Punica sub lento cortice grana rubent; Mart. VII 20, 10 et Punicorum pauca grana malorum; Lact. Phoen. 126 mitia quem corio Punica grana tegunt;

mala γ  Cfr. Paul. Diac. carm. 4, 11 mixta simul lauris Punica mala rubent