Sextiliane, bibis quantum subsellia quinque
Solus: aqua totiens ebrius esse potes;
Nec consessorum uicina nomismata tantum,
Aera sed a cuneis ulteriora petis.
5
Non haec Paelignis agitur uindemia prelis
Vua nec in Tuscis nascitur ista iugis,
Testa sed antiqui felix siccatur Opimi,
Egerit et nigros Massica cella cados.
A copone tibi faex Laletana petatur,
10
Si plus quam decies, Sextiliane, bibis.
2
Cfr. Luxor. AL 311, 1 R. dum bibis solus pateras, quot omnes