Martialis epigrammata 1, 21

Testo base di riferimento: W. M. Lindsay, 1929

Cura dell'edizione digitale: A. Fusi, 2009

Altre sezioni


Cum peteret regem, decepta satellite dextra

      Ingessit sacris se peritura focis.

Sed tam saeua pius miracula non tulit hostis

      Et raptum flammis iussit abire uirum:

5

Vrere quam potuit contempto Mucius igne,

     Hanc spectare manum Porsena non potuit.

Maior deceptae fama est et gloria dextrae:

      Si non errasset, fecerat illa minus.

6

Pomp. comm. V 284, 29-285, 3 Keil barbarismus ... si dicas Porsena pro eo quod est Porsenna, 'hanc spectare manum Porsena non potuit'. Non stat aliter uersus: ita enim est 'urere quam potuit mucius contento igne, hanc spectare manum Porsena non potuit'; Seru. ad Aen. VIII 646 Porsenna: unum 'n' addidit metri causa ... nam Porsena dictus est: Martialis 'hanc spectare manum Porsena non potuit'