Itur ad Herculei gelidas qua Tiburis arces
Canaque sulphureis Albula fumat aquis,
Rura nemusque sacrum dilectaque iugera Musis
Signat uicina quartus ab urbe lapis.
5
Hic rudis aestiuas praestabat porticus umbras,
Heu quam paene nouum porticus ausa nefas!
Nam subito collapsa ruit, cum mole sub illa
Gestatus biiugis Regulus esset equis.
Nimirum timuit nostras Fortuna querelas,
10
Quae par tam magnae non erat inuidiae.
Nunc et damna iuuant; sunt ipsa pericula tanti:
Stantia non poterant tecta probare deos.
1
Herculei gelidas β γ Cfr. IV 62, 1 Tibur in Herculeum migravit nigra Lycoris; Prop. II 32, 5 cur ita te Herculeum deportant esseda Tibur?
herculeas gelidi T Cfr. Sil. IV 71 sg. arce / Herculea; Mart. IV 57, 9 sg. Herculeos colles gelida vos vincite bruma, / nunc Tiburtinis cedite frigoribus; 64, 32 gelidum ... Tibur; Gunther. Ligur. IV 152 inter et Argoas famosi Tiburis arces