Augusti labor hic fuerat committere classes
Et freta nauali sollicitare tuba.
Caesaris haec nostri pars est quota? uidit in undis
Et Thetis ignotas et Galatea feras;
5
Vidit in aequoreo feruentes puluere currus
Et domini Triton isse putauit equos:
Dumque parat saeuis ratibus fera proelia Nereus,
Horruit in liquidis ire pedestris aquis.
Quidquid et in Circo spectatur et Amphitheatro,
10
Diues Caesarea praestitit unda tibi.
Fucinus et diri taceantur stagna Neronis:
Hanc norint unam saecula naumachiam.
11
diri Heinsius
tigri α
pigri ς