Postquam alterno ceciderunt uulnere fratres,
Moxque Creon deflens persoluit iusta Menoeceo
Busta negans uictis. At Graias fama perurguet
Quaerere clam matres per campos membra suorum.
5
Vix Argia sui corpus Polynicis amati
Repperit; Antigone Eteoclis funera quaerens
Aduenit. Ignarae communia funera plangunt,
Succensusque rogus flammis communibus ardet.
Thesea Euadne constanti uoce precatur,
10
Iret ut ad Thebas uindex aliosque triumphos.
Mox ille infrendens optat uocatque Creonta.
Quem sternit telo Graiorumque immolat umbris.