Tunc grauiter superos obiurgat rector Auerni
Ipsumque Amphiaraum terret, cui pauca furenti
Iam tenui uoce et pauidus supplexque reuoluit
Coniugis infandae indicium subitamque ruinam.
5
Anxius Inachidas uatis dolor angit amissi.
Sidonii exultant memorantque insignia gentis.
At Graium proceres similem pietatis honore
Thiodamanta legunt, uatis qui munera seruet.
Hinc Thebana phalanx, illinc ruit Inacha pubes,
10
Vulnera uulneribus geminant funduntque uicissim
Corpora magna uirum; tunc multa in caede furentem
Tydea deiectum telis Tritonia fleuit.