Postquam pulsa sitis membraque leuata fluentis,
Inachidae iuuenes, ante omnes mitis Adrastus
Hypsipyles caelum, gentem patriamque requirit.
Ingemit illa quidem et tandem uis maesta profatur:
5
Lemnos erat patria, princeps mihi sanguinis Euhan.
Hic Veneris rabie aetas cuncta perempta uirorum est.
Ast ego sola meum carum miserata parentem
Committo incolumem uentis. Mox ipsa per undas
Excessi geminam linquens <de> Iasone prolem.
10
Haec fata Archemorum sacro serpente peremptum
Conspicit. Eurydice genitrix miseranda querelis
Intonat et placat Graecorum turba Lycurgum.