57 Z (466 R = 464 SB = fr. 27 Buecheler = 28 Mueller)
Item
Primus in orbe deos fecit timor, ardua caelo
Fulmina cum caderent discussaque Maenala flammis
Atque ictus flagraret Athos; mox Phoebus ad ortus
Lustrata deuectus humo Lunaeque senectus
5
Et reparatus honos: hinc signa effusa per orbem
Et permutatis disiunctus mensibus annus.
Profecit uitium, namque error iussit inanis
Agricolas primos Cereri dare messis honores,
Palmitibus plenis Bacchum uincire, Palenque
10
Pastorum †gaudere manu. nutat† obrutus amni
Neptuni demersus aqua Pallasque tabernas
Vindicat. Et uoti reus et qui uendidit urbem
Iam sibi quisque deos auido certamine fingit.
1
Primus ... timor Petronio tribuunt Fulgentius myth. 1,1, necnon Lactantius Placidus ad Stat. Th. 3,661, ubi eadem verba exhibet Statius